‘விடுதலைப் புலிகளின் காலத்தில் நல்ல கட்டமைப்புகள் காணப்பட்டன’

-எஸ்.என்.நிபோஜன்

“தமிழீழ விடுதலைப்புலிகளின் காலப்பகுதியில் நல்ல கட்டமைப்புகள் காணப்பட்டன” என்று, நாடாளுமன்ற உறுப்பினர் அங்கஜன் இராமநாதன் தெரிவித்துள்ளார்.

அங்கஜன் இராமநாதனின் ஏற்பாட்டில் யாழ்ப்பாணம் நாவலர் கலாசார மண்டபத்தில் இன்று, சர்வதேச தொளிலாளர் சங்கமும் ஸ்ரீ லங்கா சுதந்திர தொளிலாளர் சங்கமும் இணைந்து நடாத்திய விழிப்புணர்வுக் கல்விக் கருத்தரங்கில் உரையாற்றியபோதே அவர் இவ்வாறு தெரிவித்தார்.

அவர் மேலும் தெரிவிக்கையில்,

“யாழ்ப்பாணம், கிளிநொச்சி போன்ற மாவட்டங்களில் தொழிலாளர்கள் தமக்குரிய உரிமைகள், சலுகைகள் மற்றும் சட்டங்கள் என எதையும் அறியாதவர்களாக இருக்கின்றார்கள்.

“இத்தகைய  செயலால், முதலாளி வர்க்கம் தொளிலாளர்களை சுரண்டுகிறார்கள். ஆனால், தமிழீழ விடுதலைப்புலிகளின் ஆட்சிக் காலத்தில், இவ்வாறான சூழ்நிலைகள் அரிதாகவே காணப்பட்டன.

“ஏனெனில், அவர்களது கட்டமைப்புகள் திடமானவையாகவும் தெளிவானவையாகவும் காணப்பட்டது” எனத் தெரிவித்தார்.

இந்நிகழ்வில், SLNSSஇன் பொதுச்செயலாளர் வெஸ்லி தெய்வேந்திரா, தொளிலாளர் பிரதி ஆணையாளர் திருமதி ஜெகதீஸ்வரி உள்ளிட்ட பலர் கலந்துகொண்டனர்.