விபத்தில் ஒருவர் பலி

செ.கீதாஞ்சன்

முல்லைத்தீவு கொக்குளாய் வீதியில் செம்மலைப்பகுதியில் நேற்று (17) மாலை இடம்பெற்ற விபத்தில் ஒருவர் படுகாயமடைந்துள்ளதுடன், ஒருவர் உயிரிழந்துள்ளார்.

இரண்டு மோட்டார் சைக்கிள்கள் மோதி ஏற்பட்ட விபத்தின் போது, செம்மலைப்பகுதியைச் சேர்ந்த கா.பாஸ்கரன் (வயது 50) அதே பகுதியைச் சேர்ந்த ஞா.ஜனார்த்தன் (வயது 23) ஆகிய இருவரும படுகாயமடைந்த நிலையில் முல்லைத்தீவு மாவட்ட வைத்தியசாலையில் சிகிச்சைக்காக அனுமதிக்கப்பட்டனர்.

இதன்போது, கா.பாஸ்கரன் (வயது 50) உயிரிழந்த நிலையில், ஞா.ஜனார்த்தன் என்பவர் மேலதிக சிகிச்சைக்காக யாழ்ப்பாணம் போதனா வைத்தியசாலைக்கு மாற்றப்பட்டார்.

மேலதிக விசாரணைகளை முல்லைத்தீவு பொலிஸார் விசாரணைகளை முன்னெடுத்துள்ளனர்.