விபத்து: சாரதி காயம்

-க. அகரன்

வவுனியா கந்தசுவாமி கோவில் வீதியில், இன்று (26) காலை 9.30 மணியளவில், ஓட்டோவொன்று விபத்துக்குள்ளானதில், சாரதி காயமடைந்தார்.

வவுனியா மணிக்கூட்டு பகுதியில் இருந்து சூசைப்பிள்ளையார்குளம் நோக்கி கந்தசுவாமி கோவில் வீதியூடாக பயணித்த ஓட்டோவொன்று கட்டுப்பாட்டையிழந்து, வீதியின் அருகேயுள்ள மின்கம்பத்துடன் மோதி விபத்துக்குள்ளானது.

இதில், ஓட்டோ சாரதி காயமடைந்த நிலையில், வவுனியா வைத்தியசாலையில் அனுமதிக்கப்பட்டுள்ளார்.

விபத்து தொடர்பான விசாரணைகளை, வவுனியா போக்குவரத்து பொலிஸார் மேற்கொண்டு வருகின்றனர்.