விழிர்ப்புணர்வு கருத்தமர்வு

-எஸ்.றொசேரியன் லெம்பேட்

வடமாகாண உள்ளூராட்சி திணைக்களத்தின் ஏற்பாட்டில், பிரதேச அபிவிருத்தி உதவித் திட்டம் தொடர்பிலான, உள்ளூராட்சி மன்ற உறுப்பினர்களுக்கான விழிர்ப்புணர்வு கருத்தமர்வு, மன்னார் நகர சபை மண்டபத்தில் இன்றுக் காலை 10.30 மணியளவில் நடைபெற்றது.

இதில், மன்னார் நகர சபை, மன்னார் பிரதேச சபை, மாந்தை மேற்கு பிரதேச சபை, நானாட்டான் பிரதேச சபை மற்றும் முசலி பிரதேச சபை ஆகிய ஐந்து உள்ளூராட்சி மன்றங்களின் தலைவர்கள், உப தலைவர்கள், உறுப்பினர்கள் கலந்துகொண்டனர்.

இதன்போது, மன்னார் மாவட்டத்தில், நகர சபை மற்றும் பிரதேச சபைக்குட்பட்ட பகுதிகளில் மேற்கொள்ளப்படுகின்ற அபிவிருத்தித் திட்டங்கள் தொடர்பாக விரிவாக ஆராயப்பட்டதோடு, அது தொடர்பில் உள்ளூராட்சி மன்ற பிரதிநிதிகளுக்கு விளக்கமளிக்கப்பட்டமை குறிப்பிடத்தக்கது.