வைரவர் சிலையை விற்பனை செய்யமுனைந்த இருவர் கைது

-க. அகரன்

பழமை வாய்ந்த வைரவர் வடிவிலான சிலையை விற்பனை செய்ய முயன்ற இருவர், வவுனியா பிராந்திய போதைத்தடுப்பு பொலிஸாரால், இன்று (27) கைதுசெய்யப்பட்டுள்ளனர்.

வவுனியா - நெளுக்குளம் பகுதியில் ரோந்து கடமையில் ஈடுபட்டிருந்த பொலிஸார், அவ்வழியே வந்த ஓட்டோ ஒன்றை வழிமறித்து சோதனை செய்தனர்.

இதன்போது, பெறுமதி வாய்ந்த வைரவர் சிலையொன்றை மீட்டதுடன், ஓட்டோவில்; பயணித்த இரண்டு நபர்களையும் கைதுசெய்துள்ளனர்.

கைதுசெய்யப்பட்ட நபர்கள், குறித்த சிலையை விற்பனை செய்யும் நோக்கத்தில் வந்திருக்கலாம் என, பொலிஸாரால் சந்தேகிக்கப்படுகின்றது.