ஏ.ரி.எம் இயந்திரத்தை சேதப்படுத்திய விசமிகள்

செ. கீதாஞ்சன்

புதுக்குடியிருப்பு, உடையார்கட்டு பகுதியில் அமைந்துள்ள இலங்கை வங்கி ஏ.ரி.எம் இயந்திரத்தின் கண்ணாடியை உடைத்து சேதப்படுத்தியமை தொடர்பில், வங்கி முகாமையாளரால் புதுக்குடியிருப்பு பொலிஸ் நிலையத்தில் முறைப்பாடு செய்யப்பட்டுள்ளது.

திங்கட்கிழமை (02) இரவு புதுக்குடியிருப்பு - பரந்தன் வீதியில் உள்ள உடையார்கட்டு சந்திக்கு அருகாமையில் அமைந்துள்ள ஏ.ரி.எம் இயந்திரத்தின் கண்ணாடியை உடைத்து சேதப்படுத்தியமை தொடர்பில், புதுக்குடியிருப்பு இலங்கை வங்கியின் முகாமையாளரால், புதுக்குடியிருப்பு பொலிஸ் நிலையத்தில் முறைப்பாடு செய்ததை அடுத்து, பொலிஸார் மேற்கொண்ட  விசாரணைகளில் சந்தேகநபர் ஒருவர் கைது செய்யப்பட்டுள்ளார்.