கஞ்சாவுடன் இருவர் கைது

சுமார் 7 கோடி ரூபாய்க்கும் அதிக பெறுமதியுடைய கஞ்சா போதைப் பொருளுடன் இருவர் சாவகச்சேரி பொலிஸாரால் கைது செய்யப்பட்டுள்ளனர்.

சாவகச்சேரி பொலிஸ் நிலைய பொறுப்பதிகாரி பாலித செனவிரத்ன தலைமையிலான குழுவினர் மறவன்புலவு - அறுகுவெளி பகுதியில் வைத்து இவர்களை கைது செய்தனர்.

கைப்பற்றப்பட்ட கஞ்சாவின் பெறுமதி சுமார் 7 கோடி ரூபாய்க்கும் அதிகம் என்றும் கைதான இருவரும் குருநகர் பகுதியை சேர்ந்தவர்கள் எனவும் பொலிஸார் தெரிவித்தனர்.

சந்தேக நபர்களை நீதிமன்றில் முற்படுத்த பொலிஸார் நடவடிக்கை எடுத்துள்ளனர்.

எஸ். தில்லைநாதன்