மருத்துவ பொருட்கள் கையளிப்பு

வ. சக்தி 

வன்னி ஹோப் அவுஸ்திரேலியா மற்றும் IMHO நிறுவனத்தின் ஏற்பாட்டில், மட்டக்களப்பு போதனா வைத்தியசாலை புற்றுநோய் பிரிவுக்கு மருத்துவ பொருட்கள் வெள்ளிக்கிழமை (17) கையளிக்கப்பட்டன.

மட்டக்களப்பு போதனா வைத்தியசாலையின் புற்றுநோய் பிரிவால் வன்னி ஹோப் நிறுவனத்துக்கு விடுத்த விசேட வேண்டுகோளின் அடிப்படையில், மருத்துவம் மற்றும் மருத்துவ சாரா பொருட்கள் ஒரு தொகை வன்னி ஹோப் நிறுவனத்தின் இலங்கைக்கான பணிப்பாளர் எம்.ரி.எம் பாரிஸ், வைத்தியாசாலையின் பணிப்பாளர் கலா ரஞ்சனி கணேசலிங்கத்திடம் கையளித்தார். 

ஐக்கிய அமெரிக்காவில் உள்ள நல்லையா பவுண்டேசனின்  நிதி அனுசரணையில்  இ்ம்மருத்துவ மற்றும் மருத்துவம் சாரா பொருட்கள் முதல் கட்டமாக வழங்கி வைக்கப்பட்டன.