கோழி வளர்ப்பில் அதிக அக்கறை செலுத்தும் மலையடிகிராம மக்கள்

(எம்.ஐ.எம்.அஸ்ஹர்)

சம்மாந்துறை பிரதேச செயலக பிரிவுக்குட்பட்ட  மலையடிகிராம மக்கள் கோழி வளர்ப்பில் அதிகம் அக்கறை செலுத்த ஆரம்பித்துள்ளனர். இப்பிரதேசத்தில் கோழி முட்டைக்கு கேள்வி அதிகரித்துள்ள அதேவேளை, கடந்த காலங்களை விட சந்தைகளில் கூடிய விலைக்கு முட்டை விற்பனை செய்யப்படுவதாக தெரிவிக்கப்படுகின்றது.

சம்மாந்துறை மக்கள் வங்கி கிளையினூடாக சிறு தொழில் முயற்சியாளர்களுக்கு குறைந்த வட்டியில் கடன் வசதி செய்யப்பட்டுள்ளதால், கோழி வளர்ப்பில் கிடைக்கும் வருமானத்தைக் கொண்டு தமது ஜீவனோபாயத்தை ஓரளவு கொண்டு செல்லக்கூடியதாகவுள்ளதாக கோழி வளர்ப்பாளர்கள் தெரிவிக்கின்றனர்.