உரிய நேரத்தில் பாடசாலைக்கு செல்லாத அதிபர், ஆசிரியர்கள் குறித்து புகார்

(ஹனீக் அஹமட்)

அட்டாளைச்சேனைக் கோட்டக் கல்விப் பணிமனைக்குட்பட்ட பாடசாலையொன்றின்; அதிபர், ஆசிரியர்கள் உரிய நேரத்துக்குச் பாடசாலைகளுக்கு சமுகமளிக்காமை தொடர்பில் அக்கரைப்பற்று வலயக் கல்விப் பணிப்பாளரிடம் முறையிடப்பட்டுள்ளதாகத் தெரியவருகிறது.

அட்டாளைச்சேனைக் கோட்டக் கல்விப் பணிப்பாளர் என்.கே.எம். இப்றாகிம்,  திடீரென அப்பாடசாலைக்கு விஜயம் செய்தபோது, ஆசிரியர்களும் அதிபரும் உரிய நேரத்தில் பாடசாலைக்கு சமூகமளிக்காததை அவதானித்த பின் குறிப்புப் புத்தகத்தில் பதிவு செய்து விட்டு, அதிபர் மற்றும் ஆசிரியர்களின் வருகைக்காக காத்திருந்துள்ளார்.

அச்சமயத்தில் கட்டுறு பயிலுநர்களாகக் கடமையாற்றும் அட்டாளைச்சேனை தேசிய கல்வியட் கல்லூரி மாணவர்கள் மட்டுமே மேற்படி பாடசாலையில் கடமையில் இருந்துள்ளனர்.

அச்சமயம், குறித்த பாடசாலையின் அதிபர், ஆசிரியர்கள் எவரும் அங்கிருக்கவில்லை.

இச்சம்பவம் குறித்து, அக்கரைப்பற்று வலயக் கல்விப் பணிப்பாளரின் கவனத்துக்கு அட்டாளைச்சேனைக் கோட்டக் கல்விப் பணிப்பாளர் என்.கே.எம். இப்றாகிம் கொண்டு சென்றுள்ளமை குறிப்பிடத்தக்கது.