லிபியாவில் உள்நாட்டு யுத்தம் ஏற்படலாமென எச்சரிக்கை

உள்நாட்டு யுத்தமொன்று லிபியாவிலும் ஏற்படலாமென்று லிபியா ஜனாதிபதி முவம்மர் கடாபியின் மகனான சைப் அல் இஸ்லாம் எச்சரித்துள்ளார்.

அரசாங்கத்திற்கு எதிரான ஆர்ப்பாட்டம் லிபியாவின்; தலைநகரான திரிபோலியில் நடைபெற்று வருகிறது. இந்நிலையில் அவர் தொலைக்காட்சியொன்றில் உரை நிகழ்த்துகையிலேயே இதனைக் கூறினார்.

குறிப்பிடத்தக்க அரசியல் சீர்திருத்தங்களை செய்வதற்கு தயாராகவிருப்பதாகவும் அவர் கூறினார்.  பொலிஸாரும் இராணுவத்தினரும் இழைத்த தவறுகளை ஏற்றுக்கொண்ட சைப் அல் இஸ்லாம், ஆனால் அறிக்கைகள் கூறும் அளவிற்கு மரணங்கள் நிகழவில்லையெனவும் தெரிவித்தார்.

இருப்பினும் கடந்த வியாழக்கிழமை முதல் 233 பொதுமக்கள் பலியாகியுள்ளதாக மனித உரிமைகளுக்கான கண்காணிப்பு அமைப்பு தெரிவித்தது.