கனிமொழியின் பிணை மனு மீதான விசாரணை திங்கள் வரை ஒத்திவைப்பு

2 ஜி ஸ்பெக்ட்ரம் ஒதுக்கீட்டு ஊழல் வழக்கில் கைது செய்யப்பட்டுள்ள சிறையில் அடைக்கப்பட்டுள்ள இந்திய நாடாளுமன்ற உறுப்பினரும் திமுக தலைவர் கருணாநிதியின் மகளுமான கனிமொழியின் பிணை மீதான விசாரணை திங்கட்கிழமை வரை டில்லி உயர்நீதிமன்றத்தால்  ஒத்திவைக்கப்பட்டுள்ளது.

டிசெம்பர் முதலாம் திகதியே இம்மனு விசாரிக்கப்படவிருந்தது.

எனினும் இவ்வழக்கில் மேலும் 5 பேருக்கு இந்திய உச்சநீதிமன்றம் பிணை வழங்கிய நிலையில் தமது மனுக்களை விரைவாக விசாரணைக்கு எடுத்துக்கொள்ளுமாறு கனிமொழி, கலைஞர்  தொலைக்காட்சி நிர்வாக இயக்குநர் சரத் குமார் உட்பட 6 பேர் கோரினர்.

இதன்படி இப்பிணை மனுக்கள் மீதான விசாரணை டில்லி உயர் நீதிமன்றத்தால் இன்று வெள்ளிக்கிழமை இவ்விசாரணைக்கு எடுத்துக்கொள்ளப்பட்ட போதிலும் திங்கட்கிழமை வரை அவ்விசாரணை  ஒத்திவைக்கப்பட்டது.