சிரிய ஆர்ப்பாட்டங்களில் 3000 பேர் பலி

சிரியா ஜனாதிபதி பஷார் அல் அசாத்திற்கு எதிராக இடம்பெற்ற ஆர்ப்பாட்டங்களின்போது ஏழு மாதங்களில் மரணமடைந்தவர்களின் எண்ணிக்கை 3000ஆக உயர்வடைந்துள்ளதாக ஐக்கிய நாடுகள் தெரிவித்துள்ளது.

மரணமடைந்தவர்களில் 187 சிறுவர்களும் அடங்குவதாகத் தெரிவித்த ஐக்கிய நாடுகளின் மனித உரிமைகளுக்கான ஆணையாளர்; நவநீதம்பிள்ளை, கடந்த 10 நாட்களில் 100 பொதுமக்கள் மரணமடைந்ததாகவும் குறிப்பிட்டுள்ளார்.

நூற்றுக்கணக்கான சிரிய நாட்டவர்கள் கைதுசெய்யப்பட்டுள்ளதாகவும் ஐக்கிய நாடுகள் தெரிவித்துள்ளது.

சிரியாவின் ஈவிரக்கமற்ற அடக்குமுறை உள்நாட்டு யுத்தத்திற்கு வழிவகுக்குமென நவநீதம்பிள்ளை எச்சரிக்கை விடுத்தார்.

இதேவேளை, இந்த யுத்தத்திற்கு பயங்கரவாதிகளே காரணமெனவும் இவர்களால் 1,100 பாதுகாப்புப்படையினர் கொல்லப்பட்டதாகவும் சிரியா நாட்டு அரசாங்கம் குற்றஞ்சாட்டியுள்ளது.