பாகிஸ்தான் தற்கொலை குண்டுத் தாக்குதலில் 43 பேர் பலி

பாகிஸ்தானின் குவேட்டா நகரில் இன்று இடம்பெற்ற தற்கொலை குண்டுத் தாக்குதலில் 43 பேர் கொல்லப்பட்டதுடன் நூற்றுக்கும் மேற்பட்டோர் காயமடைந்தனர்.

இவ்வாரத்தில் பாகிஸ்தானில் இடம்பெற்ற இரண்டாவது பாரிய குண்டுத் தாக்குதல் இதுவாகும்.

ஷியா முஸ்லிம்களின் மத ஊர்வலமொன்றை இலக்குவைத்து இந்த குண்டுத் தாக்குதல் இடம்பெற்றுள்ளதாகத் தெரிவிக்கப்படுகிறது.

இத்தாக்குதலையடுத்து குவேட்டா வைத்தியசாலைகளில் அவசர நிலை பிரகடணப்படுத்தப்பட்டுள்ளது. அதேவேளை பலியானவர்களின் எண்ணிக்கை அதிகரிக்கக்கூடும் என அதிகாரிகள் அச்சம் தெரிவித்துள்ளனர்.