கிழக்கு மாகாணத்திலிருந்து தேசிய றக்பி போட்டிக்காக தெரிவாகியுள்ள அணியினருக்கு சீறுடை வழங்கும் நிகழ்வு

(ஹனீக் அஹமட்)
பாடசாலைகளுக்கிடையிலான தேசிய றக்பி விளையாட்டுப் போட்டியில் கலந்து கொள்வதற்காக கிழக்கு மாகாணத்திலிருந்து தெரிவாகியுள்ள அட்டாளைச்சேனை கல்விக் கோட்டத்துக்குட்பட்ட பாலமுனை ஹிக்மா வித்தியாலயத்தின் றக்பி அணியினருக்கான சீருடை வழங்கும் நிகழ்வு பாடசாலை அதிபர் ஐ.எம். பாஹிம் தலைமையில் நேற்று பாடசாலை வளாகத்தில் இடம்பெற்றது.

அட்டாளைச்சேனை பிரதேச சபை உறுப்பினரும், மாவட்ட சாரண உதவி ஆணையாளருமான எஸ்.எல். முனாஸ் தனது சொந்த நிதியிலிருந்து றக்பி அணி வீரர்களுக்கு பரிசில்களையும், விளையாட்டு அணிக்கான சீருடைகளையும் இதன்போது, வழங்கிவைத்தார்.

பாடசாலைகளுக்கிடையிலான தேசிய றக்பி போட்டியில் கலந்து கொள்வதற்காக கிழக்கு மாகாணத்திலிருந்து தெரிவாகியுள்ள மூன்று அணிகளில் பாலமுனை ஹிக்மா வித்தியாலய அணியும் ஒன்றாகும்.