ஒக்டோபரில் விசேட அமர்வு

வடக்கு மாகாண மீள்குடியேற்றக் கொள்கை வரைபையும் மாகாணத்தில் பாதிக்கப்பட்ட பெண்களுடைய எதிர்காலம் குறித்த கொள்கை வரைபையும் ஆராய்ந்து, அவற்றை மாகாணத்தின் கொள்கை ஆவணமாக மாற்றும் முகமாக, விசேட அமர்வொன்றை கூட்டவுள்ளதாக, அவைத் தலைவர் சீ.வி.கே.சிவஞானம் தெரிவித்தார். 

இதற்கமைய, இந்த அமர்வு, ஒக்டோபர் மாதம் முதல் வாரத்தில் இடம்பெறுமெனவும், அவர் கூறினார். 

வடக்கு மாகாண சபையின் 131ஆவது அமர்வு, பேரவைச் செயலகத்தின் சபா மண்டபத்தில், நேற்று  (11) நடைபெற்றது. 

இதன்போது, மேற்படி விடயத்தை சபையில் முன்வைத்து, மாகாண சபை உறுப்பினர் ப.சத்தியலிங்கம் ஆற்றிய உரைக்கு பதிலளிக்கும் போதே, அவைத் தலைவர் மேற்கண்டவாறு தெரிவித்தார்.