காணாமல் போனவர் சடலமாக மீட்பு

மஸ்கெலியா – மின்னா பெயாலோன் நீர்த்தேக்கத்திலிருந்து வயோதிப பெண்ணொருவரின் சடலம் பொலிஸாரினால் இன்று (18) பகல் 12 மணியளவில் மீட்கப்பட்டுள்ளது.

குறித்த வயோதிப பெண், ஒரு பிள்ளையின் தாயாரெனவும், 65 வயதுடையவரெனவும் தெரிவித்தப் பொலிஸார், இவர் காணாமல் போயுள்ளதாக, இரண்டு தினங்களுக்கு முன்னர் குறித்த பெண்ணின் உறவினர்களால் முறைப்பாடொன்று  பதிவு செய்யப்பட்டிருந்ததாகவும் தெரிவித்தனர்.

குறித்த சம்பவம் தொடர்பில் மேலதிக விசாரணைகளை மேற்கொண்டு வருவதாக மஸ்கெலியா பொலிஸார் மேலும் தெரிவித்தனர்.