கொழும்பில் கட்டாக்காலி நாய்கள் குறைவடைந்துள்ளன

கொழும்பு மாநகர சபைக்குட்பட்ட பகுதிகளில், கட்டாக்காலி நாய்களின் எண்ணிக்கை குறைவடைந்துள்ளதாக, தெரிவிக்கப்பட்டுள்ளது.

கட்டாக்காலி நாய்களின் எண்ணிக்கை 20 சதவீதமாக குறைவடைந்துள்ளதாக, கொழும்பு மாநகர சபையின் பிரதான மிருக வைத்திய அதிகாரி விபுல தர்மவர்தன தெரிவித்துள்ளார்.

கொழும்பு மாநகர சபைக்குட்பட்ட பிரதேசங்களுக்குள் கடந்த 2015ஆம் ஆண்டு இறுதியாக முன்னெடுக்கப்பட்ட கட்டாக்காலி நாய்களின்  கணக்கெடுப்பின் எண்ணிக்கையுடன் இம்முறை மேற்கொள்ளப்பட்ட கணக்கெடுப்பை ஒப்பிடுகையில் இந்த வீழ்ச்சிக் குறித்து தெரியவந்துள்ளதாக அவர் தெரிவித்துள்ளதுடன், கடந்த சில வருடங்களில் நாய்களுக்கு மேற்கொள்ளப்பட்ட இனப்பெருக்க கட்டுப்பாடே இதற்கான காரணமெனவும் வைத்திய அதிகாரி விபுல தர்மவர்தன தெரிவித்துள்ளார்.