'தேர்தலை பிற்போட தீர்மானமில்லை'

பொதுத் தேர்தலை பிற்போடுவது குறித்து எந்தவித தீர்மானமும் இதுவரை எடுக்கப்படவில்லை என, தேர்தல்கள் ஆணைக்குழுவின் தவிசாளர் மஹிந்த தேசப்பிரிய தெரிவித்துள்ளார்.

நாட்டில் ஏற்பட்டுள்ள கொரோன வைரஸ் அச்சுறுத்தல் நிலைமையை கருத்தில் கொண்டு பொதுத்தேர்தலை ஒத்திவைக்க வேண்டும் என, பல்வேறு தரப்பினர் கோரிக்கை விடுத்து வருகின்றனர்.

இந்த நிலையில், தற்போதைய நிலை குறித்து தேர்தல்கள் ஆணைக்குழுவில் கலந்துரையாடல் ஒன்று இன்று (17) நடைபெற்றிருந்தது.