நீதிமன்ற அவமதிப்பு வழக்கு: பாதெனியவிடம் விசாரிக்க திகதி குறிப்பு

பேரின்பராஜா திபான்

அரச வைத்திய அதிகாரிகள் சங்கத்தின் தலைவர் அநுருத்த பாதெனியவிடம் விசாரணை செய்வதற்கான தினமாக, ஓகஸ்ட் மாதம் 2ஆம் திகதியை, மேன்முறையீட்டு நீதிமன்றம், நேற்று (22) குறித்தது. 

மேன்முறையீட்டு நீதிமன்றத்தை அவமதிக்கும் வகையில் கருத்துகளை வெளியிட்டார் என, சமூக நீதிக்கான தேசிய இயக்கத்தின் தலைவர் பேராசிரியர் சரத் விஜேசூரிய, புறவெசி பலய அமைப்பின் பிரதித் தலைவர் காமினி வெயங்கொட ஆகியோரால் மனுத்தாக்கல் செய்யப்பட்டது. 

இந்த மனு, கடந்த 5ஆம் திகதி விசாரணைக்கு எடுத்துக்கொள்ளப்பட்டபோது, அநுருத்த பாதெனியவுக்கு நோட்டீஸ் அனுப்புமாறு, மேன்முறையீட்டு நீதிமன்றம் உத்தரவிட்டிருந்தது.