மின்கட்டணம் செலுத்த விசேட சலுகை

வௌ்ளம் மற்றும் மண்சரிவு காரணமாக பாதிக்கப்பட்ட மக்களின் செலுத்தப்படாத மின்கட்டணத்தை செலுத்துவதற்கு 6 மாதங்கள் சலுகை காலம் வழங்கப்படும் என, மின்சக்தி அமைச்சர் ரஞ்சித் சியம்பலாபிட்டிய தெரிவித்துள்ளார்.

பாதிக்கப்பட்ட வீடுகளில் சேதமடைந்த மின்மானியை இலவசமாக பெற்றுத்தரவும், மின்சுற்றை இலவசமாக சோதனை செய்வதற்கு மின்சாரசபை ஊடாக நடவடிக்கை எடுப்பதாகவும் அவர் கூறியுள்ளார்.

மேலும்,  மின்சார இணைப்புகளில் ஏற்படும் பிரச்சினைகள் குறித்து  0113030303 என்ற தொலைபேசி இலக்கத்துடன் தொடர்பு கொண்டு முறையிட முடியும் என்று அவர் குறிப்பிட்டுள்ளார்.

கொழும்பில் இன்று இடம்பெற்ற செய்தியாளர் சந்திப்பின்போது, அவர் இதனைக் கூறியுள்ளார்.