பிரதியமைச்சர் பசீர், நடிகை மேதாவின் வாகனங்கள் விபத்தில் சிக்கின: மூவர் காயம்

(எம்.சுக்ரி)

உள்நாட்டு வர்த்தக கூட்டுறவு பிரதியமைச்சரும் ஸ்ரீலங்கா முஸ்லிம் காங்கிரஸின் தவிசாளருமான பசீர் சேகுதாவூத் பயணித்த வாகனம் தம்புள்ளயில் வைத்து விபத்துக்குள்ளாகியமையால் மூன்று பேர் காயங்களுக்குள்ளாகியுள்ளனர்.

இன்று சனிக்கிழமை காலை ஏறாவூரிலிருந்து கொழும்பு நோக்கி பிரதியமைச்சர் பசீர் சேகுதாவூத் சென்று கொண்டிருந்தபோது  தம்புள்ள பிரதான வீதியில் வைத்து அவர் பயணித்த வாகனம் மற்றும் அவருக்கு பாதுகாப்பு வழங்கிச் சென்ற மற்றுமொரு வாகனம், இராணுவ ட்ரக் ஒன்று, ஒரு கார் மற்றும் பஸ் ஆகியன விபத்தில் சிக்கியுள்ளன.

மேற்படி கார், நடிகைமேதா ஜயரட்ன பயணம் செய்த காராகும்.

இதன்போது தனக்கு எவ்வித காயங்களும் ஏற்படவில்லையெனவும் அதில் பயணித்த பொலிஸாருக்கு சிறிய காயங்கள் ஏற்பட்டதாகவும் பிரதியமைச்சர் பசீர் சேகுதாவூத் தெரிவித்தார்.

இந்த விபத்தின் போது தனது இரண்டு வாகனங்களும் முழுமையாக சேதமடைந்துள்ளதாக பிரதியமைச்சர் பசீர் சேகுதாவூத் மேலும் தெரிவித்தார்.

நடிகை மேதா ஜயரட்னவும் காயமின்றி தப்பியுள்ளார்.