ஐ.நா. படைகளில் பணியாற்றும் அனைத்து துருப்பினரும் பல்திறமையானவர்களாக விளங்க வேண்டும்: இராணுவத் தளபதி

'ஐ.நா. படைகளில் பணியாற்றும் அனைத்து துருப்பினரும் பல்திறமையானவர்களாகவும் ஆங்கிலத்தில் தேர்ச்சி பெற்றவர்களாகவும் விளங்க வேண்டும். இவை இத்தகைய சர்வதேச கடமைகளின் ஆற்றலை அதிகரிக்கும்' என இராணுவத் தளபதி லெப் ஜெனரல் ஜகத் ஜயசூரிய கூறியுள்ளார்.

லெபனானில் ஐ.நா. சமாதானப் படையில் பணியாற்றும் இலங்கைத் துருப்பினர் மத்தியில் உரையாற்றுகையிலேயே அவர் இவ்வாறு கூறினார்.

லெபனானில் பணியாற்றும் இலங்கைப் படையினரை பார்வையிடச் சென்ற இராணுவத் தளபதி, அத்துருப்பினர் ஒழுக்கத்திற்கு அதிக முக்கியத்துவம் வழங்க வேண்டும் எனவும் கோரினார்.

வெளிநாடுகளில் பணியாற்றும் இலங்கை சமாதானப் படையினர் அனைவரினதும் பங்களிப்புகளை பாராட்டிய இராணுவத் தளபதி ஜகத் ஜயசூரிய, இத்துருப்பினர் இலங்கை இராணுவத்தினதும் நாட்டினதும் நற்பெயரை பாதுகாக்க வேண்டும் எனக் கோரினார்.