இலங்கை விமானப்படைக்கு மேலும் இரு சீன விமானங்கள்

(சுபுன் டயஸ்)

இலங்கை விமானப்படையில் இரு சீன விமானங்கள் நேற்று இணைக்கப்பட்டன. மேற்படி எம்.ஏ.60 ரக பயணிகள் விமானங்களை விமானப்படையில் இணைக்கும் வைபவம் இரத்மலானை விமானப்படைத்தளத்தில் நடைபெற்றறது. சீன தூதரகத்தின் முதன்மை செயலர் வாங் ஜிங் பெங் மற்றும் இலங்கை விமானப்படைத் தளபதி எயார் மார்ஷல் ஹார்ஷா அபேவிக்கிரம ஆகியோர் இந்நிகழ்வில் அதிதிகளாக பங்குபற்றினர்.

இரட்டை இயந்திரங்களைக் கொண்ட எம்.ஏ.60 விமானம் 56 பயணிகள் பயணம் செய்யக்கூடியதாகும்.

இவ்விமானங்கள், இலங்கை விமானப்படையின் வர்த்தகப் பிரிவான ஹெலிடுவர்ஸினால் உள்ளூர்விமான சேவைக்கு பயன்படுத்தப்படும்.

வர்த்தக விமான சேவைக்காக இலங்கை விமானப்படை 200 மில்லியன் ரூபாவுக்கும் அதிகமான நிதியை அரசாங்கத்திடமிருந்து பெற்றுக்கொண்டுள்ளது.

காங்கேஸன்துறை, அம்பாறை, திருகோணமலை, அநுராதபுரம்,  பலாலி உட்பட பல இடங்களுககு ஹெலிடுவர்ஸ் விமான சேவை நடத்தப்படுகிறது.

எதிர்காலத்தில்  கிளிநொச்சி, முல்லைத்தீவு, இரணைமடு ஆகிய இடங்களுக்கும் இச்சேவை விஸ்தரிக்கப்படவுள்ளது.