சனல் 4 குற்றச்சாட்டுகளை இலங்கையின் பதில் உயர்ஸ்தானிகர் நிராகரிப்பு

இலங்கையின் கொலைக்களங்கள் என்ற தலைப்பில் சனல் 4 தொலைக்காட்சி வெளியிட்ட ஆவணப் படத்தில் இலங்கை மீது சுமத்தப்பட்ட குற்றச்சாட்டுகளை பிரிட்டனுக்கான இலங்கையின் பதில் தூதுவர்; பி.எம். அம்ஸா நிராகரித்துள்ளார்.      

கரிசனைக்குரிய அனைத்து விவகாரங்களையும் ஆராய்வதற்கு உள்ளூர் பொறிமுறையொன்று ஏற்படுத்தப்பட்டுள்ளதாக அவர் கூறியுற்ளார். படத்தில் தமிழில் கூறப்படுபவற்றையும் ஒளிபரப்பாளர் தவறாக மொழிபெயர்த்துள்ளதாகவும் அவர் கூறியுள்ளார்.  

பிசிசி தொலைக்காட்சியின் ஆசிய சேவையில் ஒளிபரப்பான விவாதமொன்றிலேயே அவர் இவ்வாறு கூறியுள்ளார். இலங்கையின் கொலைக்களங்கள் தயாரிப்பாளர் கல்லும் மெக்றீ, பிரிட்டனிலுள்ள தமிழர் நலன்புரிச் சங்கத்தின் பிரதிநிதி வஞ்சீஸ் ஜனார்த்தனன், சிங்கள சமூகத்தைச் சேர்ந்த சத்துர ஜயதிஸ்ஸ ஆகியோர் இவ்விவாதத்தில் பங்குபற்றினர்.