"மொபெட்ஸ்" மோட்டார் சைக்கிள் செலுத்த புதிய விதிமுறை

சக்தி வலு குறைந்த மொபெட்ஸ் மோட்டார் சைக்கிள்களினால் அதிகமாக ஏற்படும் விபத்துக்களை தவிர்ப்பதற்காக புதிய சட்டமொன்றை அமுல்படுத்தவுள்ளதாக மோட்டார் போக்குவரத்து திணைக்கள ஆணையாளர் பி.டி.எல்.தர்மபிரிய டெய்லிமிரர் இணையத்தளத்திற்கு தெரிவித்தார்.

அதிகளவான மோட்டார் சைக்கிள் விபத்துக்கள் 49 சீ.சீ. மோட்டார் சைக்கிள்களினால் ஏற்படுவதாகவும் இந்த வாகனங்களை எதிர்காலத்தில் மோட்டார் போக்குவரத்து திணைக்களத்தில் பதிவு செய்யவுள்ளதாகவும் அவர் கூறினார்.

அத்துடன் 49 சீ.சீ. மொபெட்ஸ் மோட்டார் சைக்கிளை ஒட்டுவதற்கு தலைக்கவசம் அணிவதுடன் சாரதி அனுமதிப் பத்திரம் வைத்திருக்க வேண்டும் எனும் விதிமுறையை இறுக்கமாக அமுல்படுத்தவுள்ளதாகவும் இதை மீறுபவர்களுக்கு எதிராக கடுமையான சட்ட நடவடிக்கை எடுக்கவுள்ளதாகவும் அவர் தெரிவித்தார்.