அமெரிக்க செல்ல முடியாமல் நாடு திரும்பினார் நாமல்

மொஸ்கோவில் இருந்து, எமிரேட்ஸ் விமானம் மூலம் அமெரிக்கா செல்ல நாமல் ராஜபக்ஸவுக்கு அனுமதி வழங்கப்படாமைக் காரணமாக,மீண்டும் நாட்டுக்கு திரும்ப வேண்டிய நிலை ஏற்பட்டதாக நாடாளுமன்ற உறுப்பினர் நாமல் ராஜபக்ஸ தெரிவித்துள்ளார்.

இது தொடர்பில் நாமல் தனது டுவிட்டர் வலைத்தளத்தில் பதிவிட்டுள்ளார்.

கடந்த வாரம் நடைபெற்ற ரஷ்யாவின் ஜனாதபதித் தேர்தலை சுயேட்சை கண்காணிப்பாளராக கண்காணிக்கச் சென்ற போதே, இந்தச் சம்பவத்திற்கு முகம் கொடுத்ததாகவும் நாமல் குறிப்பிட்டுள்ளார்.

 “ எமிரேட்ஸ் விமான நிறுவன அதிகாரிகளுக்கு அமெரிக்க அதிகாரிகள் அழுத்தம் விடுத்தமையாலேயே, தமக்கு அனுமதி மறுக்கப்பட்டதாகவும், தான், இலங்கையின் எதிர்கட்சி உறுப்பினர் என்ற ரீதியில் மொஸ்கோவில் இருந்து அமெரிக்க செல்ல நினைக்கவில்லை என்றும் அவர் பதிவிட்டுள்ளார்.

எனினும், தனக்கு அனுமதி வ​ழங்காமைக்கான காரணத்தை இதுவரை தனக்கு அறிவிக்கவில்லையென்றும் நாமல் பதிவிட்டுள்ளார்.