ஆளுநரின் விடுதியில் கொள்ளை; நால்வர் கைது

செல்லக்கதிர்காமத்தில் உள்ள கிழக்கு மாகாண ஆளுநரும், முன்னாள் அமைச்சருமான ரோஹித போகொல்லாகமவின் விடுமுறை விடுதியில் கொள்ளைச் சம்பவத்தில் ஈடுபட்ட நால்வர் கைது செய்யப்பட்டுள்ளனர்.

அவர்களிடமிருந்த அந்த விடுதியின்  4 இலட்சம் பெறுமதியான சொத்துக்களையும் பொலிஸார் மீட்டுள்ளனர்.

இந்த விடுதிக்குப் பொறுப்பான காவற்காரர் விடுமுறையில் சென்றிருந்த நிலையில் இந்தக் கொள்ளைச் சம்பவம் இடம்பெற்றுள்ளது.

இதுத் தொடர்பில் முறைப்பாடு செய்யப்பட்டு 24 மணித்தியாலங்களுக்குள் கொள்ளையிடப்பட்டப் பொருள்கள், கொள்ளையுடன் தொடர்புடைய சந்தேகநபர்கள் கைது செய்யப்பட்டுள்ளமைக் குறிப்பிடத்தக்கது.