தனியார்- அரச பஸ்கள் இணைந்து பயணிக்கவுள்ளன

பாடசாலைகள் மற்றும் அலுவலகங்கள் திறக்கப்பட்டுள்ள நிலையில், சேவையில் ஈடுபடும் பஸ் வண்டிகளின் எண்ணிக்கை போதுமானதாக இன்மையால், இலங்கை போக்குவரத்து சபை மற்றும் தனியார் பஸ் உரிமையாளர்கள் சங்கம் என்பன இணைந்து இணக்கமொன்றுக்கு வந்துள்ளதாக தெரிவிக்கப்பட்டுள்ளது.

இதற்கமைய, இ.போ.ச பஸ்கள் மற்றும் தனியார் போக்குவரத்து பஸ் சேவைகளை ஒன்றிணைத்து சேவையில் ஈடுபடுத்த இணக்கம் எட்டப்பட்டுள்ளது.

தனிமைப்படுத்தப்பட்டுள்ள பிரதேசங்களைத் தவிர்ந்த ஏனைய அனைத்து பிரதேசங்களிலும் இச்சேவை முன்னெடுக்கப்படுமென, இலங்கை போக்குவரத்து சபையின் தலைவர் கிங்ஸ்லி ரணவக்க தெரிவித்துள்ளார்.