மினுவாங்கொட, பேலியகொட கொத்தணி கொவிட்-19 தொற்று 4,050

மினுவாங்கொட, பேலியகொட கொத்தணி கொவிட்-19 தொற்றானது 4,050ஆக உயர்ந்துள்ளது.

பேலியகொட மீன்சந்தையுடன் தொடர்புடைய கொவிட்-19 தொற்றுக்குள்ளானவர்களின் நெருங்கிய தொடர்பாளர்களான மேலும் 92 பேர் கொவிட்-19 தொற்றுக்குள்ளானதாக இராணுவத் தளபதி ஷவேந்திர சில்வா தெரிவித்ததைத் தொடர்ந்தே குறித்த அதிகரிப்பு ஏற்பட்டுள்ளது. 

இந்நிலையில், இன்று இதுவரையில் மொத்தமாக 368 கொவிட்-19 தொற்றுக்கள் கண்டுபிடிக்கப்பட்டுள்ளது. 

அந்தவகையில், இலங்கையில் கொவிட்-19 தொற்றுக்குள்ளானோரின் எண்ணிக்கை 7,521ஆக உயர்ந்துள்ளது.

தொற்றுநோயியல் பிரிவு தரவுகளின்படி 3,792 பேர் இன்னும் மருத்துவ சிகிச்சையின் கீழ் நாடு முழுவதுமுள்ள தெரிவுசெய்யப்பட்ட வைத்தியசாலைகளில் இருக்கின்றனர்.