2ஆம் மாடியிலிருந்து கீழே விழுந்து நோயாளி படுகாயம்

அநுராதபுரம் போதனா வைத்தியசாலையின் இரண்டாம் மாடியிலிருந்து கீழே விழுந்த 36 வயதுடைய நபர், பலத்த காயங்களுக்கு உள்ளாகியுள்ளதாக, வைத்தியசாலை தகவல்கள் தெரிவிக்கின்றன.

கல்லீரல் கோளாறு காரணமாக, கடந்த சனிக்கிழமை, அநுராதபுரம் வைத்தியசாலையில் அனுமதிக்கப்பட்ட நோயாளி ஒருவரே, இவ்வாறு கீழே விழுந்து காயங்களுக்குள்ளாகியுள்ளார்.

இவர் அனுமதிக்கப்பட்ட தினத்திலிருந்து, சிகிச்சை பெற்றுக்கொள்வதற்கு மறுப்பு தெரிவித்து வந்ததாகவும், அவர் மனநோயாளியா என்பது தொடர்பில் பரிசீலிக்கவுள்ளதாக, வைத்தியசாலை தகவல்கள் தெரிவிக்கின்றன.