மூத்த ஊடகவியலாளர் சின்னையா குருநாதன் காலமானார்

வடமலை ராஜ்குமார்

மூத்த ஊடகவியலாளர் சின்னையா குருநாதன் இன்று (01) காலை காலமானார்.

சில காலமாக நோய்வாய்ப்பட்டிருந்த அவர் தனது 79ஆவது வயதில் இறைபதம் அடைந்தார்.

சுமார் 55வருடத்திற்கு மேலாக  ஊடகசேவையாற்றிய இவர் தமிழ்,ஆங்கில நாளிதழ்களுடன் இணையத்தளங்களிலும் ஆக்கங்ளை வெளியிட்டுள்ளார்.

யுத்த காலப்பகுதியில் பல நெருக்கடிகளைச்சந்தித்து தனியே ஊடகப்பணியை மட்டும் முழுநேரத்தொழிலாக  நம்பி வாழ்க்கை நடத்தியவர் என்ற பெருமையும் இவருக்குண்டு.இதனால் அதிக காலம் பொருளாதார நெருக்கடியுடன் பணிசெய்த இவர். பல விருதுகளைப்பெற்று  வாழ்நாள் சாதனையாளராகவும் திகழ்ந்தார்.

அன்னாரின் இறுதி நிகழ்வுகள்  எதிர்வரும் ஞாயிற்றுக்கிழமை(03) காலை 10.30 மணிக்கு திருகோணமலை பிரதான வீதியில் உள்ள அவரது இல்லத்தில்   நடைபெற வுள்ளன.