ஷிரந்தி ராஜபக்ஷ, நடிகை அசின் இன்று காலை வவுனியாவுக்கு விஜயம்

ஜனாதிபதி மஹிந்த ராஜபக்ஷவின் பாரியார் ஷிரந்தி ராஜபக்ஷ உள்ளிட்ட குழுவினர் இன்று காலை வவுனியா பொது வைத்தியசாலைக்கான விஜயமொன்றை மேற்கொண்டுள்ளனர்.

ஆளும் கட்சியின் கம்பஹா மாவட்ட நாடாளுமன்ற உறுப்பினர் சுதர்சினி பெர்னாண்டோப்பிள்ளை மற்றும் தென்னிந்திய நடிகை அசின் ஆகியோரும் இக்குழுவில் இடம்பெற்றிருந்தனர்.

தமிழ்க் கலாசாரச் முறைப்படி வரவேற்கப்பட்ட ஷிரந்தி ராஜபக்ஷ உள்ளிட்ட குழுவினர், வவுனியா பொது வைத்தியசாலையின் சத்திரசிகிச்சைக் கூடத்தைச் சென்று பார்வையிட்டதுடன், அங்குள்ள குறைநிறைகளையும் கேட்டறிந்துகொண்டார்.

அத்துடன், கண் வைத்திய சிகிச்சைப் பிரிவுக்குச் சென்றும் அங்குள்ள நோயாளர்களைப் பார்வையிட்டு பரிசுப் பொருள்களையும் ஷிரந்தி ராஜபக்ஷ வழங்கினார்.