உலகக் கிண்ணத்தில் காணொளி உதவி மத்தியஸ்தர்கள்

ரஷ்யாவில் இவ்வாண்டு நடைபெறவுள்ள கால்பந்தாட்ட உலகக் கிண்ணத்தில், காணொளி உதவி மத்தியஸ்தர்கள் பயன்படுத்தப்படவுள்ளனர்.

சுவிற்ஸர்லாந்தின் சூரிச்சில் நேற்று  இடம்பெற்ற சர்வதேச கால்பந்தாட்ட சங்க அமைப்பின் சந்திப்ப்பின்போது காணொளி உதவி மத்தியஸ்தர்களை நிரந்தரமாகப் பயன்படுத்துவதற்கு ஏகமனதாக அனுமதிக்கப்பட்டுள்ளது.

இந்நிலையில், காணொளி உதவி மத்தியஸ்தர்களை உலகக் கிண்ணத்தில் பயன்படுத்துவதா என்ற முடிவு இம்மாதம் 16ஆம் திகதி நடைபெறவுள்ள சந்திப்பில் எடுக்கப்படும் என சர்வதேச கால்பந்தாட்ட சம்மேளனத்தின் தலைவர் ஜியானி இன்பான்டினோ தெரிவித்துள்ளார்.