வெளியேற்றப்பட்ட றியல் மட்ரிட்

ஸ்பானிய சுப்பர் கிண்ணத் தொடரிலிருந்து றியல் மட்ரிட் வெளியேற்றப்பட்டுள்ளது.

இன்று அதிகாலை நடந்த அத்லெட்டிக் பில்பாவோவுடனான அரையிறுதிப் போட்டியில் 1-2 என்ற கோல் கணக்கில் தோல்வியடைந்தமையைத் தொடர்ந்தே தொடரிலிருந்து றியல் மட்ரிட் வெளியேற்றப்பட்டுள்ளது.

ஸ்பானிய லா லிகா புள்ளிகள் பட்டியலில் முதலாமிடம், இரண்டாமிடம் பெற்ற அணிகளும், விலகல் முறையிலான கோப்பா டெல் ரே தொடரின் இறுதிப் போட்டி வரை முன்னேறிய அணிகளும் இத்தொடரில் பங்கேற்கின்றமை குறிப்பிடத்தக்கது.