வாகன விபத்தில் இருவர் காயம்

-வா.கிருஸ்ணா,வடிவேல் சக்திவேல்

மட்டக்களப்பு,களுவாஞ்சிகுடி பொலிஸ் பிரிவுக்குட்பட்ட மாங்காடு பகுதியில் இன்று ஞாயிற்றுக்கிழமை பிற்பகல் 2 மணியளவில் முச்சக்கர வண்டியும் பஸ்ஸும் மோதி  விபத்துக்குள்ளானதில் இருவர் படுகாயமடைந்துள்ளனர்.

மட்டக்களப்பில் இருந்து கல்முனை நோக்கி சென்ற பஸ்ஸும் களுவாஞ்சிகுடியில் இருந்து மாங்காடு சென்ற முச்சக்கர வண்டியுமே நேருக்கு நேர் மோதி விபத்துக்குள்ளானதில் முச்சக்கர வண்டியில் பயணித்த மாங்காட்டை சேர்ந்த கே.ஜுலியன் (வயது 34), எஸ்.நிசாந்தன்(வயது 26)ஆகியோர் படுகாயமடைந்துள்ளனர்.

படுகாயமடைந்த நபர்களை களுவாஞ்சிகுடி ஆதார வைத்தியசாலையில் அனுமதிக்கப்பட்டுள்ளனர்.
இதில் ஒருவர் மேலதிக சிகிச்சைகளுக்காக மட்டக்களப்பு போதனா வைத்தியசாலைக்கு மாற்றப்பட்டுள்ளார்.