காத்தான்குடியில் வயல் விழா அறுவடை

(எம்.சுக்ரி)

மட்டக்களப்பு மாவட்டத்தின் காத்தான்குடியில் நேற்று வியாழக்கிழமை கொள்கலன் பயிர்ச்செய்கையினூடாக நகர்ப்புற வீட்டுத் தோட்டம் என்னும் திட்டத்தின் கீழ் வயல் விழா அறுவடை வைபவம் நடைபெற்றது.

காத்தான்குடி விவசாய போதனாசிரியர் பிரிவிலுள்ள ஹுஸைனிய்யா நகரில் நடைபெற்ற இந்த அறுவடை வைபவத்தில் விவசாயத் திணைக்களத்தின் மட்டக்களப்பு மாவட்ட பிரதிப் பணிப்பாளர் இரா.ஹரிகரன், மட்டக்களப்பு மத்தி உதவி விவசாய பணிப்பாளர்  ஆ.சிவஞானம், காத்தான்குடி விவசாய போதனாசிரியர்  முபீதா றமீஸ் உட்பட விவசாய உத்தியோகத்தர்கள், பயனாளிகள் கலந்து கொண்டனர்.

இதன்போது இங்கு பயிரிடப்பட்ட கொச்சிக்காய்கள் பாவற்காய்கள் உள்ளிட்ட பயிர்கள் அறுவடை செய்யப்பட்டன.