வறிய குடும்பங்களுக்கான உலர் உணவுப் பொருட்கள் வழங்கிவைப்பு

-எம்.எஸ்.எம்.நூர்தீன், ரீ.எல்.ஜவ்பர்கான்

 

காத்தான்குடி சமூக மதிப்பீட்டுக்கான அமைப்பின் 26ஆவது சமூகத்தை நோக்கிய பயணம் எனும் வேலைத்திட்டத்தின் கீழ், வறிய குடும்பங்களுக்கான உலர் உணவுப் பொருட்கள் நேற்று வெள்ளிக்கிழமை வழங்கி வைக்கப்பட்டன.

 

காத்தான்குடி அன்வர் வித்தியாலயத்தில் இவ்வைபவம் இடம் பெற்றது. சமூக மதிப்பீட்டுக்கான அமைப்பின் தலைவர் ஹில்மி அஹமட் லெவ்வை தலைமையில் நடைபெற்ற இந்த வைபவத்தில் நீதியமைச்சர் ரவூப் ஹக்கிமின் இணைப்புச் செயலாளர் றஹ்மத் மன்சூர் மற்றும் ஏறாவூர் பிரதேச செயலாளர் எம்.ஹனிபா, காத்தான்குடி முகைதீன் மெத்தை பெரிய ஜும் ஆ பள்ளிவாயலின் பேஷ் இமாம் மௌலவி ஏ.ஜ.எம்.அமீன் உட்பட சமூக மதிப்பீட்டுக்கான அமைப்பின் முக்கியஸ்த்தர்கள் மற்றும் பிரமுகர்கள் கலந்து கொண்டனர்.

 

இதன்போது காத்தான்குடியிலும் அதனைச் சூழவுள்ள கிராமங்களையும் சேர்ந்த 350 குடும்பங்களுக்கு அரிசி மற்றும் சீனி, பால்மா பக்கட் உள்ளடங்கலான உலர் உணவுப் பொருட்கள் வழங்கி வைக்கப்பட்டன.