பாபுல் போதைப்பொருள் விற்பனையில் ஈடுபட்ட நபருக்கு ரூ.4,500 அபராதம்

(ஜிப்ரான்)

மட்டக்களப்பில் பாபுல் உட்பட போதை கலந்த பொருட்களை விற்பனை செய்ததாக குற்றச்சாட்டின் பேரில் சந்தேகநபரொருவருக்கு 4,500 ரூபா அபராதமாக்க விதிக்கப்பட்டுள்ளது.

காத்தான்குடி, மஞ்சந்தொடுவாய் எல்லையில் வைத்து சில தினங்களின் முன்னர் காத்தான்குடி பொலிஸாரால் கைது செய்யப்பட்ட இவர் மட்டக்களப்பு நீதிவான் நீதிமன்றத்தில் நேற்று ஆஜர்படுத்தப்பட்டபோது நீதிபதி வீ.இராமகமலன் இந்த அபராத்தை விதிக்க உத்தரவிட்டார்.

மேற்படி நபரிடமிருந்து போதை கலந்த தேன் போத்தல்கள், போதைப் புகையிலை பக்கட்டுகள் உட்பட மேலும் பல பொருட்களை காத்தான்குடி பொலிஸார் கைப்பற்றியிருந்தமை குறிப்பிடத்தக்கது.