மட்டக்களப்பில் போதைப்பொருள் விற்பனை செய்த 87பேர் கைது

(ஜிப்ரான்)

கடந்த ஒரு மாதத்தில் மாத்திரம் மட்டக்களப்பில் நடத்தப்பட்ட சோதனை நடவடிக்கைகளின் போது போதைப் பொருள் விற்பனையில் ஈடுபட்ட 87பேர் கைது செய்யப்பட்டுள்ளனர்.

மட்டக்களப்பு மதுவரி திணைக்கள அதிகாரிகளால் மாவட்டத்தின் பல பகுதிகளில் நடத்தப்பட்ட சோதனை நடவடிக்கைகளின் போதே இவர்கள் கைது செய்யப்பட்டதாக திணைக்களத்தின் மாவட்ட அலுவலக பொறுப்பதிகாரி எஸ்.தேவராஜன் தெரிவித்தார்.

இதன்போது சட்டவிரோதமானமுறையில் சாராயம் விற்பனைசெய்த 31பேரும், கள்ளு விற்பனையில் ஈடுபட்ட 54பேரும், கஞ்சா விற்பனையில் ஈடுபட்ட இருவருமாக 87 சந்தேக நபர்கள் கைது செய்யப்பட்டுள்ளனர்.
 
கைது செய்யப்பட்டவர்களில் அதிகமானோருக்கு நீதிமன்றம் அபராதம் விதித்துள்ளதுடன், சிலர் மீது வழக்குத் தொடரப்பட்டுள்ளதாகவும் அந்த அதிகாரி மேலும் தெரிவித்தார்.