கற்றல் உபகரணங்கள் கையளிப்பு

பூவரசன்

பசறை பிரதேச பெருந்தோட்ட பாடசாலைகளில் கல்வி கற்கின்ற தெரிவுசெய்யப்பட்ட வறிய குடும்பங்களைச் சேர்ந்த  நூறு மாணவர்களுக்கு, கற்றல் உபகரணங்கள் கையளிக்கும் நிகழ்வு, செவ்வாய்க்கிழமை (13) பசறை தமிழ் தேசிய பாடசாலையின் பிரதான மண்டபத்தில் நடைபெற்றது.

இந்நிகழ்வில் பசறை பிரதேச திவிநெகும திணைக்களத்தின் பிரதான முகாமையாளர் ரோஹன சமிந்த, வங்கி முகாமையாளர் ஸ்ரீலதா, பசறை பிரதேச செயலக முகாமைத்துவ உதவியாளர் ஷிரோமி வித்தாரண உள்ளிட்ட பலர் கலந்துகொண்டு கற்றல் உபகரணங்களை கையளித்தனர்.

பசறை தமிழ் தேசிய பாடசாலையின் பழைய மாணவர்களாகிய பசறை    'திவிநெகும' வாழ்வின் எழுச்சி திணைக்கள உத்தியோகத்தர் வீ.அன்பழகன் மற்றும்  குழந்தைவேல் ஆனந்தநாதன் ஆகியோரின் முயற்சியினால் இவ் உபகரணங்கள் வழங்கப்பட்டன.