காட்டுக்கு தீ வைத்தவர் விளக்கமறியலில்

பசறை- கனவரெல்ல பகுதியில் தோட்டத்திலுள்ள காடொன்றுக்கு தீவைத்த குற்றச்சாட்டின் பேரில் கைது செய்யப்பட்ட தோட்ட தொழிலாளர் ஒருவரை எதிர்வரும் 21ஆம் திகதி வரை விளக்கமறியலில் வைக்குமாறு, பதுளை நீதவான் நீதிமன்ற நீதவான்  ராத் ரவுன்னிகா மாரசிங்ஹ நேற்று செவ்வாய்க்கிழமை உத்தரவு பிறப்பித்துள்ளார்.

பசறை - கனவரெல்ல பகுதியைச்சேர்ந்த ஹமோல் வீரகண்ணன் என்பவரே இவ்வாறு விளக்கமறியலில் வைக்கப்பட்டுள்ளார்.

குறித்த நபர் தனது தோட்டத்துக்கு அருகிலுள்ள காடொன்றுக்கு தீவைத்த குற்றச்சாட்டின் பேரில் பசறை பொலிஸாரால் கைது செய்யப்பட்டார்.

கைது செய்யப்பட்ட நபரை நீதிமன்றத்தில் ஆஜர்படுத்தியபோதே இவ்வாறு உத்தரவு பிறப்பிக்கப்பட்டது.