விபத்தால் கடை சேதம்

பதுளை-மஹியங்கனை வீதி, துன்ஹிந்த வளைவிலுள்ள கடையொன்றில் மோதி, டிப்பர் ரக வாகனமொன்று நேற்றுக் காலை விபத்துக்குள்ளானதில், அந்தக் கடை முற்றுமுழுதாக சேதமாகியுள்ளதாக, பொலிஸார் தெரிவித்தனர்.

எனினும் இவ்விபத்தால் உயிராபத்துகள் எதுவும் ஏற்படவில்லை என்று தெரிவித்த பொலிஸார், ஒரே குடும்பத்தைச் சேர்ந்த அறுவர், தெய்வாதீனமாக உயிர்தப்பியுள்ளதாகவும் கூறினர்.

மேற்படி பகுதியில், அடிக்கடி விபத்துகள் இடம்பெறுவதாக தெரிவித்த பொலிஸார், வாகன சாரதிகள் கவனயீனத்துடன் வாகனத்தை செலுத்துவதாலேயே இவ்விபத்து இடம்பெறுவதாகவும் கூறினர்.

இப்பகுதியில் கடந்தசில வாரங்களுக்குள் ஐந்து விபத்துகள் இடம்பெற்றுள்ளதாக, பொலிஸார் சுட்டிக்காட்டினர்.