கைத்தொலைபேசியில் ஆபாச காட்சிகளை வைத்திருந்த இளைஞர்களுக்கு அபராதம்

(மொஹொமட் ஆஸிக்)

கையடக்க தொலைபேசியில் ஆபாசக் காட்சிகளை பதிவு செய்து வைத்திருந்த இரு இளைஞர்களுக்கு 2500 ரூபாய்  வீதம் கண்டி பிரதான நீதவான் லலித் ஏக்கநாயக்க அபராதம் விதித்துள்ளார்.

கையடக்க தொலைபேசியில் ஆபாசக் காட்சிகளை பதிவு செய்து வைத்திருந்ததாக கூறப்படும் மேற்படி இரு இளைஞர்களையும் கைதுசெய்த கட்டுகஸ்தோட்டை பொலிஸார், கண்டி பிரதான நீதவான் லலித் ஏக்கநாயக்க முன்னிலையில் நேற்று ஆஜர்படுத்தியபோதே இதற்கான அபராதம் விதிக்கப்பட்டது.

கண்டி அத்தரகம மற்றும் வெரல்லகம் ஆகிய பிரதேசங்களில் வைத்து கைதுசெய்யப்பட்ட இவ் இளைஞர்கள் இருவரும்; 20 வயதும் 22 வயதும் உடையவர்களென பொலிஸார் தெரிவித்தனர்.