சிறுமியை பாலியல் ரீதியாக துன்புறுத்திய இளைஞர் விளக்கமறியலில்

(எம்.எம்.எம்.ரம்ஸீன்)

13 வயது சிறுமியை பாலியல் ரீதியாக துன்புறுத்திய இருபது வயது இளைஞரை விளக்கமறியலில் வைக்குமாறு கம்பளை நீதவான் நேற்று வெள்ளிக்கிழமை உத்தரவிட்டுள்ளார்.

தௌலஸ்பாகை பகுதியில் அயல் வீட்டு சிறுமியை குறித்த இளைஞர் சுமார் ஆறு மாதகாலத்திற்கு மேலதிகமாக பாலியல் ரீதியாக துன்புறுத்தி வந்துள்ளதாக தெரிய வந்துள்ளது.

குறித்த சிறுவனின் கையடக்க தொலைபேசியில் ஆபாச படங்களை காண்பித்து சிறுமியை தனது தேவைக்கு பயன்படுத்தி வந்துள்ளதாகவும் பொலிஸார் தெரிவிக்கின்றனர்.

இது தொடர்பான மேலதிக விசாரனைகளை கம்பளை,  குருந்துவத்தை பொலிஸார் மேற்கொண்டு வருகின்றனர்.