பேராதனைப் பல்கலைக்கழக மாணவர்கள் ஆர்ப்பாட்டம்

(மொஹொமட் ஆஸிக்)

பேராதனை பல்கலைக்கழகத்தைச் சேர்ந்த ஆயிரக்கணக்கான மாணவ, மாணவிகள் கண்டியிலுள்ள மணிக்கூட்டு கோபுரத்திற்கு முன்னால் நேற்று புதன்கிழமை பாரிய மறியல் போராட்டமொன்றில் ஈடுபட்டனர்.

தனியார் பல்கலைக்கழகம் ஆரம்பிப்பதற்கு எதிர்ப்புத் தெரிவித்தும் பேராதனை பல்கலைக்கழகத்தின்  முகாமைத்துவ பீடத்தை உடனடியாக ஆரம்பிக்க வலியுறுத்தியும்  பல்கலைக்கழகத்திற்குள் பாதுகாப்புப் பிரிவை ஆரம்பிப்பதற்கு எதிர்ப்புத் தெரிவித்தும் இவர்கள் மறியல் போராட்டத்தில் ஈடுபட்டனர்.  சுமார் ஒரு மணி நேரம் இடம்பெற்ற இந்த மறியல் போராட்டத்தின் இறுதியில் உயர்கல்வி அமைச்சரின் கொடும்பாவியும் எரிக்கப்பட்டன. 

இந்த மறியல் போராட்டம் காரணமாக குறித்த பகுதியில் வாகன நெரிசலும் ஏற்பட்டது.