யுவதியை பாலியல் வல்லுறவுக்கு உட்படுத்த முயற்சித்த இராணுவச்சிப்பாய்க்கு விளக்கமறியல்

(கவிசுகி)

யாழ். நீர்வேலி பகுதியிலுள்ள வீடொன்றினுள் உட்பிரவேசித்த இராணுவச்சிப்பாயொருவர் இளம் யுவதியை பாலியல் வல்லுறவுக்குட்படுத்த முயன்றுள்ள சம்பவமொன்று இடம்பெற்றுள்ளது.  

இச்சம்பவம் நேற்றுமுன்தினம் வெள்ளிக்கிழமை அதிகாலை 4.30 மணியளவில் நீர்வேலியில் இடம்பெற்றுள்ளது.

குறித்த இராணுவச்சிப்பாய் நீர்வேலி படைமுகாமைச் சேர்ந்தவரென அடையாளம் கண்ட பொதுமக்கள், அவரை யாழ். கோப்பாய் பொலிஸாரிடம் ஒப்படைத்துள்ளனர்.

இந்நிலையில், யாழ். நீதிவான் வீட்டில் கோப்பாய் பொலிஸாரால் ஆஜர்படுத்தப்பட்ட இராணுவச் சிப்பாயை ஒரு வாரத்திற்கு விளக்கமறியலில் வைக்குமாறு யாழ். நீதிவான் நீதிமன்ற நீதிபதி ஏ.ஏ.ஆனந்தராஜா உத்தரவிட்டார்.

தற்போது இராணுவச்சிப்பாய் யாழ். சிறைச்சாலையில் அடைக்கப்பட்டுள்ளார்.