உருக்குலைந்த நிலையில் பெண்ணின் சடலம் மீட்பு

(கவிசுகி)

யாழ். ஊர்காவற்றுறைப்  பகுதியிலுள்ள பாலடைந்த கிணற்றிலிருந்து உருக்குலைந்த நிலையில் பெண்ணொருவரின் சடலம்  இன்று வியாழக்கிழமை அதிகாலை இராணுவத்தினரால் மீட்கப்பட்டுள்ளது.

மிகவும் பழுதடைந்த சடலத்திலிருந்து துர்நாற்றம் வீசியதினால் அயலவர்கள் அப்பகுதி; இராணுவத்தினருக்கு வழங்கிய தகவலையடுத்து,  இச்சடலம்  மீட்கப்பட்டுள்ளதாக யாழ். ஊர்காவற்றுறைப் பொலிஸார் தெரிவித்தனர்.

பையொன்றில் பொதி செய்யப்பட்ட சடலம்  யாழ். ஊர்காவற்றுறை அரசினர் வைத்தியசாலையில் தற்போது  வைக்கப்பட்டுள்ளது.

சடலம் அடையாளம் காணமுடியாதவாறு சிதைவடைந்துள்ளதாக வைத்தியசாலை வட்டாரங்கள் தெரிவித்தன.