வீட்டில் இருந்து ஆயுதப் பை மீட்பு

-எம்.றொசாந்த், டி.விஜித்தா, எஸ்.நிதர்ஷன்

கொக்குவில் - காந்தி லேனில் உள்ள வீடொன்றில் இருந்து, இன்று (15) காலை, வாள் உள்ளிட்ட ஆயுதங்கள் அடங்கிய உரப் பையொன்று மீட்கப்பட்டுள்ளது.

இதையடுத்து, சந்தேகத்தின் பேரில், வீட்டில் உள்ள இளைஞர் ஒருவர் கைது செய்யப்பட்டுள்ளார்.

இன்று (15) காலை 6 மணிக்கு, இராணுவத்தினரும் சிறப்பு அதிரடிப் படையினரும் இணைந்து முன்னெடுத்த சுற்றிவளைப்பின் போதே, குறித்த வீட்டில் இருந்து ஆயுதங்கள் அடங்கிய உரப் பை மீட்கப்பட்டுள்ளது.

இவ்வாறு கைதுசெய்யப்பட்டவர், வாள்வெட்டுக் குழுவைச் சேர்ந்தவரென, விசாரணைகளில் இருந்து தெரியவந்துள்ளது.