கற்பிட்டி கண்டல்குளி கரையோரத்தில் சிரமதானம்

 (அப்துல்லாஹ்)

புத்தளம், கற்பிட்டி கண்டல்குளி கரையோரத்தை சுத்தம் செய்யும் பணி  நேற்று செவ்வாய்க்கிழமை மேற்கொள்ளப்பட்டது.  
கடல்சார் சூழல் பாதுகாப்பு அதிகாரசபையின் அனுசரணையுடனும்  கடல் மற்றும் கரையோரவள பாதுகாப்பு ஸ்தாபனத்தின் ஒருங்கிணைப்பின் உதவியுடனும் கண்டல்குளி கரையோரப்பகுதியை சுத்தப்படுத்தும் நடவடிக்கை மேற்கொள்ளப்பட்டன.

கல்பிட்டி அல் அக்ஸா,  கண்டல்குளி சிங்கள் பாடசாலை மாணவர்கள் மற்றும் பிரதேச மீன்பிடி சங்கங்கள் உட்பட 60 பேர் இந்த சுத்தப்படுத்தும் பணியில் ஈடுபட்டனர்.

செப்டெம்பர் மாதத்தின் மூன்றாம் சனிக்கிழமை  சர்வதேச கரையோரத்தை சுத்தம் செய்யும் தினமாக பிரகடனப்படுத்தி  26ஆவது வருடமாக உலகெங்கிலும் நிகழ்வுகள் பல இடம்பெறுகின்றன.

இதற்கமைய இலங்கையில் சுற்றாடல் அமைச்சின் கீழியங்கும் கடல்சார் சூழல் பாதுகாப்பு அதிகாரசபையின் அனுசரணையுடன் பல இடங்களில் கரையோரத்தை சுத்தம் செய்யும் பணிகள் நடைபெற்று வருகின்றன.